長壽祕方

話說香港面臨人口老化問題呢樣野講都講到口臭，香港雖然生活質素唔算太高，但係因為醫療系統好成功咁樣幫好多人「吊命」，成功拉高左平均數。

其中一個現象，就係醫院不時就會見到近百歲、甚至超過一百歲嘅老人家。

曾見過一個老人家，行年九十有八，仲係龍精虎猛。除左一邊耳仔撞聾之外，無老化、無腦退化，拎住一枝拐杖仲可以朝朝飲茶。

「伯伯，你平時鐘意做咩架？」
「飲茶囉！睇報紙！聽音樂！」
「咁你仔女仲有無黎探你架？」
「有有有，過時過節都返黎。」
「咁仲有無見其他朋友咁呀？」
「咩話？」
「平時呀！有無去見朋友呀！」
「哦，死哂嘍！」
「噢…」
「死剩我一個！哈哈哈哈哈！」

唔怪得人人話樂觀係長壽嘅祕方…